أهم 5 أسرار خطيرة لخسارة الوزن

مالا تعرفه عن نظام قاراطاى لضبط الوزن

مالا تعرفه عن نظام قاراطاى لضبط الوزن

مقدمة

ازاى خسيت بنظام صحى متوازن تقدر تستمر عليه مدى حياتك لو عايز تعيش حياه صحيه وكلامى هيكون عن نظام قاراطاي
ايواً قاراطاي كما يجب أن يكون .

مفهوم نظام قاراطاى

طبعًا ممكن يكون ناس مسمعتش عنه وفيه ناس ممكن تكون عارفاه معرفه سطحيه و بتخاف تغير عاداتها وده إللى انا نفسي يتغير فى ثقافة الناس و معرفتهم و عدم الخوف غير بعد دراسة كاملة لاى نظام نفسه يتبعه طبعًا كلمة نظام ديه بتتعب البعض أغلبيتنا عايزه تخس من غير ما تحس وده صعب اوى فلازم من البدايه حط لنفسك أهداف صغيره ان شاء الله تكون بسيطة بس حققها هدف ورا هدف و صدقني هتلاقى نتيجة ترضيك .

تعريف قاراطاي 

ده اسم دكتورة كبيرة تركية اسمها جنان قاراطاي دكتور قلب و عايشة فى تركيا

مالذى قامت به دكتورة جنان قاراطاى

هى أصدرت عده كتب خاصة بانظمة الرجيم ليتكلموا ازاى تخس بأسلوب صحي هيغير حياتك للأفضل وألفت كتب باسم قاراطاى ومنها اتسمى نظام الرجيم الخاص بها باسم رجيم قاراطاي اُسلوب حياه .

بماذا يتميز نظام قارطاى عن غيره 

بتقؤلك دكتور قاراطاي اتبع الاكل الصحى اللي ربنا خلقه على طبيعته و ابعد عن كل حاجة مصنعه هتضرك
وعشان تخس فى الاول مع اتباع النظام لازم نبعد عن حاجات حتى لو مسموحة فى المطلق نتجنبها لغاية متوصل لأهدافك و تخس و تبدأ مرحلة جديدة وساعتها ممكن تأكل حاجات تانيه كتيره برضه تكون طبيعية وصحيه

ماهى نوعية الاكل ؟

شوف لازم تعرف وجباتك هتتكون من ايه ؟
وديه هتكون عبارة عن ( خضروات - بروتين - دهون صحية -ألياف )
طبعًا تفصيل التفصيل عن الوجبات موجودة ادنى المقال

أطبقه ازاى؟

1. هتاكل مرتين بوجبتين متكاملين العناصر فى اليوم فقط و مفيش سناكس
2. بالنسبة للحامل و المرضع واللي بيفطر قبل ٨ صباحًا ممكن يأكل ٣ وجبات
3. ممنوع اكل بعد الساعة ٨ مساءً
4. تطبيقك بيكون فيه صيام لازم يفصل بين الوجبة والأخرى ٥ ساعات على الأقل
5. مسموح بالمشروبات العشبيه بين الوجبات
6. تتجنب المشروبات الكحولية- المشروبات الغازية
7. ابعد عن السكر المصنع بكل أنواعه المكرره والصناعية ونكتفى بصورتها الطبيعية من الاكل الطبيعي
8. البعد كل البعد عن مشتقات الذره و القمح وذلك لانه تم ( اللعب فى الهندسة الوراثية لهم لزيادة إنتاجيه المحصول فأفقدهم طبيعتهم وفوائدهم

برنامج قارطاى بالتفصيل

مبدأيا كده احنا بنعتمد فى طريقة اكلنا على كل ماهو مؤشره السكرى منخفض فى الاكل عشان نحرق صح

1. وجبتين فقط فى اليوم 
2. الفرق بين الوجبة والأخرى مش اقل من ٥ ساعات
3. والمرضع والحامل واللي بيفطر بدرى عن ٨ صباحًا ممكن ٣ وجبات
4. ومينفعش اكل بعد الساعة ٨ بالليل
5. تشربي مياة كتير كل ماتفتكرى
6. مشروبات عشبية تمام على مدار اليوم
7. الوجبة الأولي الفطار
8. الفطار ثابت بدون تغييير
9. ٢ بيضة بالسمنة البلدى او الزبدة الطبيعي

• ( ممكن إضافات عليهم بسطرمة - مشروم ) او ممكن الاستغناء عن البيض بتعويضه باى بروتين بس الأفيد البيض
• شريحة جبنة بيضاء اَي نوع طبيعي( جبنه قريش - طازة - براميلي - دبل كريم - دمياطى - جبنة صفراء رومى او جوده او شيدر طبيعي مش مطبوخ وممكن تضيفي عليها ( طماطم - فلفل )
• اى جبنة عليها زيوت نباتيه زى الفيتا او اى شئ عليه لبن بودر او لبن فرز مينفعش خالص نقرأ ديما المكونات و نتأكد وطبعا عليها زيت زيتون ربطة جرجير او سريس او فجل اَي نوع ورقى يكون لونه اخضر ضروري جدا جدا مش اقل من ٧ زيتونات ( اخضر او اسمر ) ولايزيد عن ١٥ زيتونه كبشة يد بما يعادل نصف كوبايه صغيرة مكسرات من دول ( لوز - بندق - عين جمل ) وطبعا مكسرات مش متحمصة يعني على وضعها بدون تحميص ممكن تستخدمى نوع واحد عادى او مشكل مفيش مشكلة او زبادى بلدى او اَي نوع نضيف مفيهوش لبن مجفف ويكون صلاحيته قليلةاو كوب لبن طبيعي وممكن عمل شاي بلبن واللبن مش يتشرب غير مع وجبة الفطار فقط او مع الوجبة الثانية وممكن تقسمى كوبايه اللبن على الوجبتين

يبقى الفطار نراجع مع بعض

( ٢ بيضة بالسمنة البلدى - شريحة جبنة بيضاء بزيت الزيتون - زيتون - مكسرات - ربطة جرجير- زبادى ) اللبن اختياري ولو مش عايز او عايزه مفيش مشكله .

الغذاء

• ده متنوع من الأكلات بس لازم نلتزم بالاتي ( بروتين - دهون صحيه - شوربة- ورقيات خضراء و سلطة - خضار - مخلل - ) بمعنى شريحة لحمة بدهنها و متشوحة بالسمنة او الزبدة طبعا الخضار (فاصوليا خضراء - كوسة - بامية - بتنجان - ملوخية - قرنبيط - بروكلي ) مع اضافة معلقة سمنة بلدى والتشويحات كلها بالسمنة او زيت الزيتون الشوربة اى نوع شوربة ( لحمه - فراخ - حمام - سمك - كوارع ) الخضراوات الورقية والسلطة ( جرجير - طماطم - خيار - فلفل اخضر ) مخلل ( خيار - زيتون - ليمون - لفت ) البقوليات معانا لغاية ٣ مراتٍ فى الأسبوع زى الفاصوليا البيضاء - العدس - اللوبيا الفول مره واحده فى الشهر لارتفاع معدلة السكرى لو عايز او عايزة تزودى زبادى فى الاخر مفيش مشكلة انا بعتبر الزبادى تحلية

نقط لازم تعرفيها مهمه

• فى بداية النظام متقليش الدهون الصحية ديه مهمه جدا عشان الجسم يحرق بعد كده لو قليللتيها الجسم مش حيحرق
• يعني مثلا منجيش نفرح انك باكل خضار و محطتش دهون صحيه فيه كده غلط لازم تضيفي السمنة او زيت الزيتون

1. البيض يبقى نصف او ٣/٤ سوا مش كامل السوا
2. الطبخ على نار هادئة عشان السمنة متتحرقش و تكون ضاره و يبقى بنضر الجسم مش بنفيده
3. ممنوع منعا باتا باتا ( العيش - المكرونة - السكر - الشوفان - دقيق الذرة و مشتقاته - العسل )
4. وده عشان الجسم يحرق و يحافظ على صحته و توازنه
5. الفاكهه فى بداية النظام عشان تخس او تخسي ممنوعة نهائيا اَي نوع ممنوع
6. بس فى حالة لو مش عايزة تنزلي فى الوزن علطول ممكن برضة تكليها بعض لأنواع بس النزول مش هيبقى سريع زى التفاح - الخوخ البرتقال -الفراولة - الافوكادو
7. طبعا ممنوع جميع انواع العصائر من الفاكهه
8. لكن ممكن عصير ليمون بنعناع طبعا بدون سكر
9. غسيل الأسنان فقط قبل او بعد الوجبات مباشرة عشان تفريش الأسنان بيأثر على الحرق
10. فلازم فى وقت الوجبة غير كده حنأثر فى حرق الجسم و توازنه
11. اهم نقطة التوازن فى الطعام بمعني لازم اكل من جميع عناصر الوجبة حتى الشبع
12. بمعني تاكلي لغاية متشبعي وليس الفجع شبعتي تقؤمي من الاكل متزوديش اول متوصلي للشبع تبطلي اكل
13. بس لازم تكوني اكلتي من جميع عناصر الوجبة مينفعش اجى مثلا اكل السلطة و اللحمه واقؤل انا شبعت ومتكنوش شربتوا شوربه او مخلل او خضار ده كده غلط لازم توازن فى أصناف الاكل المسموحة
14. ممنوع استخدام زيت الذره و زيت عباد
15. الشمس نهائيا
16. النسكافية واللبن البودر واى شئ مصنع ممنوع
17. يعني المتاح البن فقط اللي هو بيبقى حب و يطحن ممكن تعملوا منه قهوة او اسبريسو او المشروبات العشبيه

بعض المعلومات المفيده لتعزيز النظام

1.  الملح لازم ملح بحرى او صخرى غير مكرر الملح العادى بيرفع الضغط و بيعمل احتباس للمياه ولو ملقتهوش ممكن ملح خشن مؤقتا اللي بيتعمل بيه الفسيخ تجبيه و تطحنيه لغايه متجيبي الملح الصخري و خلى كل استخداماتك بالملح ده لمتبعي الرجييم او غيره
2. زيت الزيتون لازم تقراؤا بياناته عشان المطلوب يكون درجة حموضة اقل من 0.8 و يكون معصور على البارد وبكر ممتاز والكلام ده بيكون مكتوب عليهم عشان تتأكدي . 
3. تجيبي خل تفاح عضوى ولازم يكون عضوى وعضوى يعني برده تلاقيه كده معكر من التفاح مش صافى و بيبقى مكتوب عليه ومش حاطين لون عليه وتضيفي منه معلقة على كوبايه مياه و تشربيها مره فى اليوم و صباحا أفضل مع وجبة الفطار وممكن طبعا تضفوها على السلطة
4.  يفضل الزيتون وال مخلل بتعملوا فى البيت و لو مش متوفر لازم تغسلي الزيتون وتنقعيه و تغيروا المياه عشان نقلل نسبة الملح اللي فيه والخيار المخلل يتعمل فى البيت بخل تفاح عضوي و ملح صخرى و بس
5. النوم اهم حاجة بعد الاكل ب ٣ ساعات مش قبل كده

• طبعا كل الكلام ده لو عايزين تخسوا بصحه ولازم الالتزام بده لو عايزين تثبتوا فى الوزن و متزدوش ده يبقى نفس النظام بس بتزيد مكونات مثلا زى العسل - الفاكهه - خضروات ممنوعة فى التخسيس زى البطاطس - القلقاس ) بس ارجع واقول السكر ممنوع ممنوع بجميع مشتقاته كسكر او سكر دايت او نباتي او اى شئ ممنوع و بس هو ده النظام ببساطه ببساطه اهو وهو سهل والله بس طبعا تاخدوا وقت شويه اهم حاجه بقى عشان النظام ده يتطبق انك فى الاول توفروا كل مكوناته عشان متجيش تلاقى حاجه ناقصه و انتوا متبعينه يعني قبل متبدي تشوفوا المكونات اللي حتستخدموه و توفروها عندكم

ملحوظة ممنوع اللبان اَي كان نوعه ممنوع مضغه نهائيا بيوقف الحرق

• انا حاولت أوصلكم النظام بسهولة و طبعًا فيه ملاحظات و شرح كتيير لبعض البنود فى المره القادمة احاول اشرحها بالتفصيل بس انا حاولت اظهر الوجبات اللي تتآكل فى نظام قاراطاي كما يجب أن يكون وبعد كده يبقى فيه كلام كتييير واستفسارات عن المسموحات والممنوعات وازاى تفادى غلطات توقف الحرق كل ده